Egluferð

Egluferð

Þann 9. nóvember fórum við í ferð í Borgarfjörð, við höfum verið að læra um Eglu í skólanum og við fórum til þess að sjá staðinn þar sem Egill Skalla-Grímsson átti heima á víkingaöld. Þá ætluðum við í Reykholt því þar átti Snorri Sturluson heima en flestir telja að hann hafi skrifað Egilssögu.Við byrjuðum á því að fara á sýningu um Eglu í Landnámssetrinu í Borgarfirðinum. Síðan fórum við út að Brákarsundi og skoðuðum staðinn þar sem Brák stökk út í sundið og Skalla-Grímur drap hana. Bráð var fóstra Egils. Síðan fórum við að haug Skalla-Gríms og Böðvars, sonar Egils, en þeir voru heygðir saman. Eftir það fórum við á Borg á Mýrum og sáum staðinn þar sem Egill Skalla-Grímsson átti heima, við fórum upp að vörðu og það var ótrúlegt útsýni. Við fórum í Reykholt og þar borðuðum við og síðan sagði séra Geir Waage okkur allt um Snorra Sturluson, við fórum út og hann sýndi okkur rústir þar sem Snorri hafði búið og sagði okkur hvernig hann hefði dáið (hvernig hann var drepinn), hann sýndi okkur líka Snorralaug og leynigöng frá rústunum og að lauginni. Hann sýndi okkur líka styttu af Snorra Sturlusyni. Síðan fórum við aftur í rútuna og fórum aftur í skólann. Það sem mér fannst áhugaverðast var sýningin, mér fannst hún flott og hún sýndi alveg alla Eglu þannig að ef þú vissir ekkert um Eglu þá vissir þú næstum allt eftir að hafa farið á sýninguna.Mér fannst þessi ferð var skemmtileg og fræðandi, ég væri alveg til í að fara í aðra svona ferð.