Sunneva Roinesdóttir

Þetta er fyrsta verkefnið mitt í Excel. Mér fannst gaman að gera þetta og ég lærði mikið um þetta.

Undanfarnar vikur hef ég verið að vinna með eitt af undrum náttúrunnar í náttúrufræði. Ég gerði power point kynningu um Sigdalinn mikla í Afríku. Ég byrjaði að afla mér upplýsinga í bókum og á netinu. Svo þegar ég var komin með allar upplýsingar sem ég þurfti fann ég myndir á google.

Ég setti þetta inn í power point og svo hannaði ég bakgrunn í stíl við myndirnar. Þetta átti að vera litrík og fjölbreytileg kynning svo engin glæra átti að vera eins. Svo settum við þetta inná slideshare og þaðan inná bloggið.

Mér fannst þetta mjög gaman og væri alveg til í að gera svona kynningu aftur, bara um eitthvað annað efni. Mér fannst glærurnar mínar heppnast ansi vel

Þann 14-18 nóvember fór ég og árgangurinn á Reyki. Rútan fór kl. 8:30 á mánudeginum 14. nóv. Ferðin tók okkur u..m.þ.b. 2 klst. og 30 mín. með stoppi í Borgarnesi. Þegar við vorum komin þangað, fórum við inn með farangurinn og svo beint í hádegismat í Ólafshúsi.

Tímarnir sem við vorum í voru: Íþróttir og sund, Náttúrufræði, Undraheimur auranna (fjármálafræðsla), stöðvaleikur og Byggðasafnið. 

Í íþróttum og sundi fórum við í allskonar leiki en í sundinu var frjálst. Það sem mér fannst skemmtilegt við íþróttirnar var að maður fékk hreyfingu en á svo miklu skemmtilegri hátt en að gera venjulegar æfingar.

Svo vorum við í Náttúrufræði. Þar fórum við í fjöruferð og týndum þara, bláskeljar og margt annað skrítið. Svo fórum við og skoðuðum kræklingana úr Bláskeljunum í smásjá, það fannst mér skemmtilegast. 

Í fjármálafræðslunni töluðum við um ýmislegt sem tengdust fjármálum, fengum bók sem við svöruðum nokkrum spurningum í og fórum í peningaspil. Það sem mér fannst skemmtilegast í þessu var peningaspilið.  

Svo var það stöðvaleikurinn. Þar fórum við í "göngutúr" og kennarinn sagði okkur ýmislegt um Reyki og svæðið í kring. Það sem mér fannst skemmtilegast og áhugaverðast þar var þegar hann sagði okkur frá því þegar 20 hermenn dóu í Hrútafirðinum en aðeins 16 fundust.

Á Byggðasafninu sáum við ýmislegt áhugavert, við sáum fullt af gömlum hlutum t.d. hatt sem var heklaður úr mannshárum, ojjj. Svo sáum við hárkarlatennur og gömul stígvél. Svo kenndi starfsfólkið (kennararnir) okkur nokkra gamla leiki, t.d. að reisa horgemling og leik þar sem maður átti að hoppa yfir bein með hendur á tám án þess að sleppa þeim þegar maður hoppar. Það fannst mér skemmtilegast.

Mér fannst ekkert smá gaman að fara í þessa ferð, ég kynntist nýjum krökkum og gerði margt nýtt. Þetta er samt ekki svona ferð sem mann langar aftur í finnst mér, þó það hafi verið rosa gaman og ég hefði ekki getað skemmt mér meira.

Í náttúrufræði hef ég verið að læra að greina plöntur og pressa þær. Ég byrjaði á að fara út í móa og finna fyrstu plöntuna. Ég greindi hana og skrifaði um  það niður í vinnubókina mína. Ég þurkaði plöntuna og í næsta tíma þá límdi ég hana í vinnubókina. Ég fann 3 plöntur, Gulmöðru, Fuglaertur og Grænvönd. Ég lærði margt nýtt t.d. vissi ég ekki neitt um Grænvönd og Fuglaertur en nú veit ég helling. Svo lærði ég mikið um hvaða plöntur vaxa í umhverfinu mínu. Mér gekk ansi vel með þessi verkefni en stundum var erfitt að finna hvaða plöntu við vorum með.Mér fannst mjög gaman að gera þessi verkefni og væri alveg til í að gera fleiri.

  Gulmaðra

  Fuglaertur

 Grænvöndur